Білім мен тәжірибе: АлЭС пен Satbayev University жаңа буын инженерлерін қалыптастыруда

Бұл серіктестік - ресми сипаттағы жай рәсім ғана емес, теория бірден тәжірибеде сыналатын нақты жұмыс үдерісі. Осындай сабақтастықтың жарқын үлгілерінің бірі - өндірістегі қызметін оқытушылықпен ұштастырып жүрген 3-ЖЭО Бас инженері Мұрат Олжабаевтың тәжірибесі.

Ынтымақтастық туралы меморандумға қол қойылған сәттен бастап ол жылу энергетикасы мамандығы бойынша оқитын студенттерге бейінді пәндерден сабақ беруге шақырылды және 2024 жылдың қыркүйегінен бастап университеттің энергетика кафедрасының филиалы болып табылатын «АлЭС» АҚ Оқыту орталығында сабақ жүргізіп келеді.

Студенттер үшін бұл жай ғана дәрістер емес, станцияның нақты жабдықтарымен күнделікті жұмыс істейтін тәжірибелі маманнан білім алудың мүмкіндігі де болып табылады.

Мұрат Олжабаев келесі пәндер «Жылу энергиясы көздері және ТКШ», «Бу турбиналары мен қысымдағыштар», «Жылу электр станцияларының қазандық қондырғылары» пәндері бойынша сабақ жүргізеді.

Оқу үдерісінің ерекше құндылығы - оның көшпелі сабақтармен толықтырылуында. Студенттер 3-ЖЭО-ға барып, негізгі және қосалқы жабдықтардың жұмысын өз көздерімен көреді. Бұл оларға тек сызбаларды оқып қана қоймай, станция жұмысының логикасын терең түсінуге мүмкіндік береді.

"Студенттердің сабаққа деген қызығушылығы жоғары. Олар белсенді түрде сұрақ қойып, үдерістерді тереңірек түсінуге ұмтылады және тәжірибелі инженерден білім алу мүмкіндігін жоғары бағалайды", - дейді Мұрат Олжабаев. 

Бүгінде ол тек сабақ беріп қана қоймай, болашақ мамандардың дипломдық жобаларына жетекшілік етіп, олардың инженерлік ойлауын қалыптастыруға және саланың нақты жұмысына дайындалуына көмектеседі.

Оның өзіндік кәсіби жолы - терең сараптаманың айқын үлгісі: қазандық және турбиналық цехтардағы жұмыстан бастап, ЖЭО қызметін жүйелі түрде түсінуді қалыптастыратын өндірістік-техникалық блокқа дейінгі тәжірибені қамтиды. Бұл тәжірибе оған күрделі тақырыптарды қарапайым әрі түсінікті етіп жеткізуге, теорияны энергетиканың нақты міндеттерімен байланыстыра отырып түсіндіруге мүмкіндік береді.

«АлЭС» АҚ мен Satbayev University арасындағы ынтымақтастық кадрларды тиімді даярлау өндірістің тікелей қатысуынсыз мүмкін еместігін көрсетеді. Дәл осындай форматтар алғашқы күннен-ақ салада жұмыс істеуге, шешім қабылдауға және нәтиже үшін жауап беруге дайын мамандарды қалыптастырады.

Бұл - тек білімге салынған инвестиция ғана емес, сонымен қатар ел энергетикасының тұрақты болашағына қосылған үлес болып табылатыны сөзсіз.

Еще больше новостей на нашем telegram-канале , подписывайся и будь в курсе!